Media gjermane “Spiegel.de” shkruan sot se policia Federale ka shoqëruar kreun e qeverisë shqiptare Edi Rama “pas mosmarrëveshjes për mbajtjen e maskës kundër koronavirusit në avionin e Lufthansa” disa muaj më parë.
Ky është një lajm tejet i rremë dhe natyrisht që edhe në Gjermani tregojnë përralla se si një polic aeroporti mund të shoqëroi një kryeministër kur me ligjet ndërkombëtare një polic madhor nuk mund të shoqëroi asnjë diplomat e jo më kryeministrin e një shteti.
Ngjarja për të cilin përralliset ka ndodhur para 6 muajësh dhe Edi Ramën nuk ka guxuar ta shoqëroi askush, jo për maskën por për një sjellje jo normale nga një prej personave të personelit të avionit të Lufthansës.
Ngjarja ka ndodhur në 3 Dhjetor 2021. Edi Rama familjarisht ishte në një udhëtim privat bashkë me familjen në linjën Frankfurt-Detroit
Lajmi është i vjetër dhe kompania e fluturimit ka kërkuar falje.
Kjo është ndjesa e kompanisë Lufthansa:
Por ja çfarë përrallis Media gjermane:
“Edi Rama shkaktoi një skandal në bordin e avionit të Lufthansa, gjatë valës së katërt të pandemisë së koronavirusit. Kryeministri shqiptar nuk ka dashur të mbajë maskë. Kur edhe piloti nuk arriti të zgjidhte konfliktin, erdhi policia federale”.
“Sipas pasagjerëve që ndodheshin në avion, kreu i qeverisë shqiptare refuzoi aq ashpër kundër mbajtjes së maskës mbrojtëse mjekësore të përshkruar nga rregullat e pandemisë Covid përpara nisjes së avionit nga Frankfurt në Detroit,(Rama drejtë SHBA me 2 dhjetor 2021) saqë ekuipazhi i avionit duhej të thërriste kapitenin për ndihmë. Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për detyrimin e përgjithshëm për të mbajtur një maskë FFP2 ose një maskë kirurgjikale në vend të një maskë pëlhure, Rama u shoqërua nga policia federale”, shkruan media gjermane.
“Shefi i Lufthansa-s, Carsten Spohr, së fundmi e përmendi incidentin në një intervistë në Spiegel. Edhe pse shefi i linjës ajrore nuk e përmendi emrin e Ramës, ai theksoi se nuk kishte asnjë trajtim preferencial kur bëhej fjalë për detyrimin për të mbajtur maskë – as për një kryetar qeverie”, thuhet në shkrimin e medias gjermane.
