Pas një viti nga vrasja e Liljana Rukës nga bashkëshorti i saj Ferdinand Ruka dhe pse ishte me urdhër mbrojtje nga gjykata, inspektoriati i lartë i Lartë i Drejtësisë përfundote hetimet për këtë dosje dhe deklaronte se gjyqtari Ergys Selmani ka kryer shkelje të rënda.
“Duke marrë shkas nga ngjarja e rëndë e humbjes së jetës të shtetases Liljana Rukaj, e cila ishte subjekt i urdhrit të mbrojtjes të lëshuar nga gjyqtari Ergys Selmani i Gjykatës së Rrethit Gjyqësorë Fier, KLD me vendimin nr.38 datë 15/9/2017 vendosi të kryejë inspektimin tematik të gjyqtarit”.
Në përfundim të hetimit disiplinor të rastit në fjalë, inspektoriati ka konkluduar se gjyqtari ka kryer shkelje të rënda profesionale, që diskretitojnë rëndë figurën dhe pozitën e gjyqtarit, thuhet në materialin e pregatitur nga Inspektoriati.
Pas këtij konkluzioni inspektoriati i KLD ja ka përcjellë raportin Ministrisë së Drejtësisë më datë 18.1.2018 dhe kërkon nga ministrja Etilda Gjonaj nisjen e hetimit disiplinor për gjyqtarin Ergys Selmani. Ministrja Gjonaj i bëri një kërkesë KLD për shkarkimin dhe ndjekjen penale të gjyqtarit, por ishte Ilir Meta që as nuk e vuri në refene kërkesën e ministres.
Por si u mbrojt gjyqtari nga Ilir Meta:
Këshilli i Lartë i Drejtësisë ka hedhur poshtë kërkesën e Ministrisë së Drejtësisë një ditë më parë, për të shkarkuar nga detyra gjyqtarin e Fierit Ergys Selmani.
Nuk ka vonuar reagimi i drejtueses së MD –së Etilda Gjonaj, e cila e ka quajtur Këshillin e Lartë të Drejtësisë, një organ kolegjial, i cili ka dështuar në garantimin e llogaridhënies së gjyqtarëve.
Sipas saj, KLD është kthyer në një strukture mbrojtëse të interesave personale të gjyqtarëve në dëm të interesit publik.
“Këshilli i Lartë i Drejtësisë refuzoi të shkarkonte një gjyqtar, i cili në mënyre diskredituese për figurën dhe pozitën e gjyqtarit, për shkak të mos arsyetimit tejet të dyshimtë të vendimit të urdhrit të mbrojtjes në kohë, solli humbjen tragjike të jetës së një gruaje prej duarve të bashkëshortit të saj, të ndjerës Liljana Ruka”, ka thënë ministrja e Drejtësisë Etilda Gjonaj, duke iu referuar gjyqtarit Ergys Selmani.
Shkarkimi i gjyqtarit të Fierit, Ergys Selmani, ishte kërkuar pasi vonoi zbardhjen e urdhrit të mbrojtjes të shtetases Liljana Ruka që u vra më pas nga bashkëshorti i saj, më 3 dhjetor të vitit 2016.
Për gjyqtarin Selmani më herët ka nisur dhe procedimin penal për shpërdorim detyre
Gjyqtari akuzohet se ka shkelur ligjin duke neglizhuar zbardhjen dhe dërgimin në kohë të vendimit të mbrojtjes së viktimës institucioneve përgjegjëse.
“Nga Sektori për Krimin Ekonomik e Financiar në Drejtorinë Vendore të Policisë Fier, filloi procedimi penal për “Shpërdorim detyre”, ndaj gjyqtarit të Gjykatës së Shkallës së Parë Fier, shtetasit Ergys Selmani. Ky procedim penal filloi pasi nga veprimet e para hetimore rezulton se në shkelje të ligjit ka neglizhuar zbardhjen dhe dërgimin në kohë të vendimit për mbrojtjen e shtetases Liljana Ruka , institucioneve pergjegjëse. Më pas ka ardhur pasoja e rëndë e vrasjes së shtetases Liljana Ruka nga bashkëshorti i saj. Materialet e para hetimore i kaluan Prokurorisë për hetime të mëtejshme për veprën penale të shpërdorimit të detyrës”, thuhet në njoftimin e policisë.
KLD në mbledhjen e datës 15.09.2017, ka marrë në shqyrtim raportin e ministrisë së Drejtësisë mbi kryerjen e hetimit administrativ për verifikimin e procedurave të lëshimit të urdhrit të mbrojtjes nga Gjykata e Rrethit Gjyqësor Fier për Liljana Rukën.
Në vendimin e gjykatës të firmosur nga gjyqtari Ergys Selmani që mbante datën 25 nëntor, nënvizohej se për një vit, bashkëshorti Ferdinand Rukaj, duhej të ruante distancën 2 metra largësi, nga ajo dhe dy fëmijët e mitur.
Këshilli atëherë vendosi të kryej një inspektim tematik për gjyqtarin e Gjykatës së Rrethit Gjyqësor, Fier,Ergys Selmani.
Ndërsa një ditë më parë KLD e drejtuar nga Ilir Meta, vendosi që të mos shkarkojë gjyqtarin Ergys Selmani.
A po i merr në mbrojtje presidenti Meta gjyqtarët e dështuar?
Do të jetë komisioni i vettingut që do të vendosë për fatin e mëtejshëm profesional të gjyqtarit të shkallës së parë në Fier, por mosndëshkimi veç sa e zbeh më tej besimin e publikut në sistemin gjyqësor.
Një grua u vra për shkak të zvarritjeve proceduriale, dhe sa të tjera duhet të vriten, për shkak të gjyqtarëve që i kanë shpatullat e ngrohta nga politika dhe sot ai e regoi më së miri duke shpërblyer ushtarin e LSI me gjys milioni dollar për largimin e tij nga puna gjoja padrejtësisht para që do mbulonin pagat e 9 muajve të punëtorëve të Albpetrolit.
