Nga Anri Bala
Iku dhe 21 Janari i 9-të! Nëntë vjet, për katër djem nënash, që dergjen e treten duke mos gjetur qetësi, se përse nuk ka gjaks për gjakun e tyre?! Por ajo që është më e dhimbëshme deri në fyerje, është gjykimi që i bëjnë gjthë farë portalesh, kazane me fekale, e gojë gjirizash pa profesion, veprimit të tyre qytetar dhe njerëzor të mos heshtjes, duke mos i lënë të qetë as atje në atë botë, në botën e të heshturve.
Ndërsa, miqtë dhe të afërmit, që u dhemb vërtet shpirti për largimin tragjik para kohe nga kjo botë, i përkujtojnë me lule e lot, vrasësit e tyre, jo që nuk janë penduar, por mburren me gjoksin para me krimin e tyre, duke i ridënuar e rivrarë edhe aty ku janë… nëntokë.
Vërtet është përkujtim i kobshëm dhe i turpshëm, poshtrues për shumë njerëz, kur publikisht fton vrasësin të tregoj se si i vrau, pse i vrau, se çfarë i bënë ata, apo çfarë do i kishin bërë, duke pranuar edhe një herë, pa iu dridhur qerpiku se: Morën atë që merituan.
Kjo ndodh vetëm në Shqipëri, sepse as nuk mund të imagjinohet diku tjetër në ndonjë qoshe të rruzullit, se vrasësi që pranoi krimin, prej vitesh bënë gjykimin, madje jep dhe dënimin për viktimat e tij.
E gjithë kjo ndodh, fal ndihmës së pakursyer të mediave audiovizive, që drejtohen nga injoranca dhe përdoren nga intriga.
Vërtet besoni, se keni mundësi që të amnistoni deri në harresë, dhimbjen dhe traumën që u shkaktoi dhuna e shtetit, qytetarëve të shtetit të tij më 21 Janar, do pyeste çdo qytetarë?! Për të mos u lodhur i’u përgjigjet një nga “amnistuesit” e papërtueshëm e të paepur… Blendi Fevziu!
“Mirëmbrëma në Opinion, i ftuar ai, Ishi që u bë hiçi, por që mbrojti me gjak karrigen e tij, e megjithëse u menderos, ka dhjetë vjet që i lanë te unë duart me gjak dhe brekët me m*t…”, duhet të thotë Fevzo në çdo hapje të gjyqit të viktimave të 21 Janarit, sa herë fton në studio vrasësin.
Në një media informimi, jo bordello, ku bëjnë pazare punonjësit gojor, njerëzit do kishin interes të dëgjonin të dëmtuarit, familjarë të viktimave, të plagosurit, të dhunuarit, të dënuarit, të masakruarit e asaj dite. Por, Fevzo në shenjë kërcënimi ndaj ryre, u nxjerr përpara xhelatin, për t’iu a kujtuar çdo herë, se ai është i fortë sërish, është në pozitë, për t’iu bërë keq akoma dhe nuk ndjen asnjë pendesë për duart e lyer me gjak… sepse ajo ishte detyra e tij.
Mesazhi i kobshëm, që Berisha i dha ambasadorit amerikan në zyrën e tij para 21 Janarit, për t’ia përcjellë Ramës: “Do të goditet me snajper, vetëm nëse nuk e shpon plumbi, është një provë e pakudërshtueshme, që Fevziu ka të drejtë…të dy po bëjnë detyrën e zezë në dërrasën e bardhë të pandëshkushmërisë, njëri morale e tjetri ligjore.
Në fakt, herë pas here, duhen trima të tillë për t’i përdorur nëpër studio si dordolec arash, të frikshëm vetëm për sorra.
Nuk është se frikëson ndokënd dordoleci, por dalja e tij publike është një shuplakë për shtetin, drejtësinë, qytetarët dhe një ushqim i bollshëm për kriminelët dhe zagarët./Ekskluzive.al
