Ikona e teatrit dhe kinematografisë Margarita Xhepa është përcjellë për në banesën e fundit. Kolegë, aktorë të vjetër dhe të rinj familjarë dhe qytetarë kanë ndërtuar artisten me përulje dhe duartrokitje në këtë ditë të fundit të saj ku u përcoll me këtë ceremoni shtetërore të organizuar në ambientet e TKOB.
Djali i artistes, Ndriçim Xhepa, në përfundim të homazheve ka dhënë një prononcim për mediat ku u shpreh se filmi i fundit ku ajo kori pjesë “Bolero në vilën e pleqve” ishte edhe mbyllje e bukur e perdes mes jetës dhe artit për nënë e tij.
Artistja shqiptare ndërroi jetë dje (3 prill) një ditë pasi festoi 91-vjetorin. Margarita Xhepa u shua në një spital privat në Tiranë, ku ishte shtruar për shkak të disa problemeve pulmonare. Aktorja u lind më 2 prill të vitit 1932, në qytetin e Lushnjës, prej ku nisi edhe hapat e parë drejt karrierës së saj. Një nga Zonjat e Mëdha të teatrit dhe filmit shqiptar që ka skalitur memorien e publikur shqiptare me role brilante që prej fillimit të saj, në vitet 60 dhe deri më tani.
