Përfundojnë ndeshjet e xhiros së katërt të grupeve në Uefa Champions League. Liverpuli e pati më të lehtë seç pritej ndaj Atletikos së Madridit. Të kuqtë triumfuan 2-0.
Lajpcigu ka arritur një barazim që ishte gati i humbur ndaj PSG-së, por në minutat e fundit shtesë erdhi penalltia vendimtare e shënuar nga Szoboszlai, i cili përballë Donarumës goditi fort topin duke fiksuar shifrat në 2-2 dhe duke shtyrë kështu kualifikimin për djemtë e Poçetinos.
Një ndeshje ku protagonisti ishte Vajnaldum me dy gola që përmbysën rrjetën fillestare të Nkunku. Por, gjemranët patën shansin e 2-0, por Donaruma priti penalltinë e Andre Silvës.
Megjithatë, nuk mundi të bënte dot asgjë në penalltinë e fundit dhe atë vendimtare.
Interi mori tri pikë të tjera dhe tani situata në grup është shumë më e qetë për zikaltërit, duke parë se Reali i Madridit mundi Shaktar Donjetsk.
Skuadra e Inzagit ndodhet në kuotën e 7 pikëve, ndërsa Sherifi i Tiraspolit kalon në vendin e tretë me gjashtë pikë.
Megjithatë, vendimtare do jenë dy ndeshjet e tjera. Pas një pjese të parë pa gola, Brozoviç zhbllokoi në pjesën e dytë dhe më pas Skriniar dhe Sançez rrumbullakosën rezultatin. Në fund vendasit shënuan golin e vetëm.
Fitore edhe për Mançester Sitin ndaj Klub Bryzh. Pas barazimit 1-1 që u arrit shumë shpejt, skuadra e Guardiolës më pas dhuroi spektakël dhe shënoi edhe tre gola për rezultatin final 4-1.
Sukses edhe për Ajaksin në Gjermani ndaj Dortmundit që mbeti me dhjetë futbollistë pas daljes me karton të kuq të Humels.
Rojs dha shpresa me golin me penallti, por Tadiç, Haler dhe Klasen fiksuan shifrat në 1-3.
