Pas debatit të Ilir Metës dhe Edi Ramës rreth dekorimeve që Meta u bën për të disatën herë dëshmorëve të rënë, Bilushi i Metës sqaroi për shtypin arsyet që ka për secilin dëshmor, që ta ridekorojë:
“I bëj me dije Edi Ramës, se të dekorosh dhe ridekorosh dëshmorët dhe heronjtë e atdheut, është një detyrë e madhe patriotike.
Më poshtë po ju shpjegoj arsyet përse po i ridekoroj:
1-Isa Buletinin, pasi ka qëndruar në shtëpinë e gjyshit të kryetarit të LSI, kur ka ardhur në Vlorë më 1912.
2-Spiro Kolekën, si një nga stërgjyshët e Edi Ramës, por që ky e ka braktisur në harresë.
3-Selam Musain, si udhëheqës që motivonte të rinjtë për luftë në stilin e LSI-së.
4-Avni Rustemin, për të motivuar të rinjtë të bëjnë sërisht akte të tilla kombëtare kundër këtyre që duan të bëjnë Republikën e Ambasadorëve.
5-Vojo Kushi, për t’u paralajmëruar se tanku im më 25 prill është kutia e votimit.
6-Margarita Tutulani, pasi vëllai i saj e kishte emrin Kristaq dhe me këtë dua t’u tregoj shqiptarëve se nuk e kam me Kristaqin, por me Edi Ramën.
7-Naim Frashërin, për t’i treguar Edi Ramës korrupsionin e AZHBR, që nuk ndihmon si duhet bujqit e blegtorët, që aq bukur u ka kënduar Naimi.
8-Mujo Ulqinakun, për t’i treguar ambasadorit italian që ky vend ka zot dhe do ndëshkojë tradhtarët e rinj që i kanë dorëzuar kurorën e vendit ambasadorëve.
9-Salvadore Allenden, për t’i treguar ambasadores amerikane se jam gati të vdes me automatik në dorë për të mbrojtur vendin nga junta .
10-Pal Mlyshin, për t’i treguar Lul Bashës që nuk luan dot me dy porta me mua.
Në fund përshëndes shqiptarët me poezinë për Margaritën, një bashkpunim im me Fatos Arapin.
Margaritë, moj!
Me dy sytë e zezë.
Në mbledhjet e fshehta cicëroje ëmbël.
E flisje për ëndërra
ti,
që vet ishe ëndërr;
e flisje për shpresë
që vet ishe shpresë.
Shoqja ime, moj,
me dy sy si nata
të mëdhenj, të zez.
Margratia moj
Shoqja ime moj
Motra ime moj
Sa herë ka zgjedhje
Ty të kujtoj
Ilir Meta”
