Tom Cruise është detyruar të izolohet në një hotel luksoz në Venecia, pasi xhirimit e filmit “Mission Impossible 7” u ndërprenë nga shpërthimi i koronavirusit në Itali.
“DailyMail” shkruan se aktori duhej të fillonte xhirimet në disa nga zonat më piktoreske dhe më të njohura të qytetit lundrues, por plani nuk shkoi siç ishte programuar, pasi autoritetet vendosën një bllokim total në mënyrë që të ndalonin përhapjen e mëtejshme të sëmundjes vdekjeprurëse.
Aktori i madh “izolohet” në Itali, ndërpriten xhirimet e
Cruise, i cili mbërriti në Venecia më 20 shkurt, tani është mbyllur në hotelin luksoz “Gritti Palace”, së bashku me grupin e xhirimit të “MI 7”, në pritje të një vendimi mbi të ardhmen e projektit. Raportet fillestare tregojnë se askush në kast dhe ekipi i xhirimit nuk është infektuar.
Cruise do të qëndrojë deri më 1 mars në hotelin luksoz, në pritje të një vendimi për projektin nga ana e menaxherëve. Filmi ishte llogaritur që të dilte në kinema në verën e 2021-it, por gjasat janë të mëdha që të shtyhet, nisur nga kjo e papritur.
Në Itali, numri i viktimave ka arritur në 7, ndërsa të prekurit janë 229. Ky është bërë vendi i parë në Europë dhe i treti në botë për numrin më të madh të të infektuarve, pas Kinës dhe Koresë së Jugut.
