Aktorja turke Ajshegyl Çënar ka qenë sot në qendër të vëmendjes së mediave turke pasi është raportuar se ajo është dhunuar nga i dashuri i saj. Ajshegyl e cila është e njohur në Shqipëri me rolin e Lilës nga seriali “Molla e ndaluar”, që transmetohet në Vizion plus, ka kërkuar ndihmën e policisë.
Mediat turke shkruajnë se Ajshegyl ndodhej në restorant me të dashurin e saj dhe papritur kishin nisur të ziheshin. Sipas raportimeve, i dashuri i aktores i kishte derdhur gotën me verë në fytyrë dhe e kishte kërcënuar.
Ajshegyl ishte ngritur nga tavolina me pretekstin se do të shkonte në tualet dhe i kishte kërkuar kamarierëve të thërrisnin policinë. “I dashuri do më vrasë, ju lutem telefononi policinë”, i kishte thënë aktorja. I dashuri i saj e kishte kuptuar situatën dhe ishte arratisur./ Xing
