Perceptimi i publikut se Fida Osmani është një nga gjyqtaret më të korruptuara në Tiranë, u konfirmua nga zbulimi i dosjes së saj në Komisionin e Vetingut, javën e kaluar.
Me 4 çështje që i kishte shqyrtuar një kompanie ndërtimi, ajo kishte porositur 3 apartamente pikërisht tek kompania në fjalë.
Sipas Komisionit të Vetingut, tre banesat nuk i justifikon me burime të ligjshme, çka natyrshëm ngrihen dyshimet se Fida Osmani, e cila më parë quhej Fidaie, i ka marrë shtëpitë në këmbim të vendimeve të saj korruptive në favor të kompanisë.
Dy nga këto shtëpi janë porositur nga burri i saj Kujtim Osmani dhe i biri, Endrit Osmani.
Apartamenti i parë është porositur nga Kujtim Osmani, me sipërfaqe 147 m2 në Tiranë, tek kompania që Fidaia Osmani i shqyrtonte dosjet.
Apartamenti tjetër me sipërfaqe 80 m2 është porositur nga i biri në Durrës, tek kompania që mamaja e tij i shqyrtonte çështjet.
Një tjetër shtëpi e ka porositur vetë Fida Osmani tek kompania që i shqyrtonte çështjet, ndonëse Fida thotë se e ka anuluar kontratën. Ka dyshime se ketë shtëpi e ka fshehur në një emër tjetër.
Sipas dosjes së Vetingut, Kujtim Osmani dhe Endrit Osmani qëndrojnë në apartamente që janë produkt i parave të paligjshme, të pista dhe korrupsionit të Fida Osmanit.
Kështu, gjyqtarja Fida Osmani ka kriminalizuar jo vetëm veten, por ka njollosur edhe familjen e saj.
Jo vetëm kaq. I biri Endrit Osmani dyshohet se është përfshirë në pastrim parash, për të cilin do japim fakte në vijim.
Ndërsa, bashkëshorti Kujtim Osmani ka kryer transkaksione që nuk janë deklaruar nga Fida Osmani.
Nga ana tjetër, Kujtim Osmani ka qenë sekretar i Përgjithshëm i Gjykatës Kushtetuese, ndërsa gruaja Fida Osmani gjyqtare.
Kështu, çifti nuk e ka pasur të vështirë ta punësonin vajzën e tyre, Marsila Osmanin, në Kuvendin e Shqipërisë sapo mbaroi “juridikun”.
Meqenëse Kushtetuesja ishte në një godinë me Kuvendin, babë e bijë punonin brenda një godine, duke u paguar me paratë publike.
Marsila Osmani është punësuar në Kuvendin e Shqipërisë, kur Kuvendi drejtohej nga Gramoz Ruçi.
Dosja e Vetingut për Fida Osmanin është një dosje penale, e cila duhet të hetohet nga SPAK.
Nga hetimi ka rezultuar se Fida (Fidaie) Osmani nuk ka deklaruar një zyrë për tre vite, ka fshehur pasurinë, ka hartuar kontratën për shitjen e një paratamenti në Peshkopi në rolin e noteres edhe të palës shitëse, ka bërë gjyqe në avion, pra në 2 mijë metra mbi tokë, ka falsifikuar vendime dhe ka marrē vendime korruptive.
