Sot Bilushi i Metës i propozoi Komitetit Antiqeveritar Covid- 19 të thërrasë Tritan Shehun dhe të dëgjojë zbulimin e tij më të fundit për virusin e ri që ka hyrë në Shqipëri.
Dëshmia e Tritanit ka shumë rëndësi për të kuptuar se si ka depërtuar virusi në Shqipëri, me çfarë qëllimi ka ardhur dhe pse po vjen tre muaj para zgjedhjeve.
Tritani u paraqit i përgatitur në takim.
Mbledhjen e hapi zoti Panariti dhe ftoi Tritanin të bënte dëshminë e tij:
“Së pari ju falënderoj që po më dëgjoni se zonja Bino nuk deshi të më dëgjonte.
Sipas provave që unë kam, virusi i ri ka hyrë në Shqipëri.
Mendohet se ka ardhur nga Italia dhe e kanë sjellë këta njerëzit e Ndragëtës, që hyjnë e dalin në Shqipëri.
Qeveria e mban fshehur këtë fakt, pasi kërkon që të infektohen sa më shumë njerëz para fushatës elektorale, me qëllim që fushata të jetë e paralizuar dhe ta bëjë vetëm Edi Rama.
Nga ana tjetër, duke përhapur panik se virusi i ri është nëpër këmbë, do ulet dhe pjesëmarrja në votime, çka është në favor të Qeverisë.
Ky është shërbimi që Ndrageta po i bën Edi Ramës me virusin.
Sipas të dhënave të mija, duke infektuar një masë të madhe njerëzish brenda një kohe të shkurtër, Edi Rama synon t’i terrorizojë shqiptarët dhe ata ta shikojnë atë si shpëtim i vetëm.
Ndaj ne duhet t’ua heqim frikën shqiptarëve, dhe duhet t’u dalim zot njerëzve në nevojë.
Virusi i ri që kanë sjell njerëzit e Ndragetës është shkatërrues dhe prek kryesisht njerëzit e papunë, që tek ne përkon me opozitën.
Ndaj është i rrezikshëm dhe politikisht.
Për këtë mendoj se duhet të mobilizohemi urgjent që sot e t’ua shpjegojmë njerëzve.
Shpresojmë që Tuitteri të zhbllokojë dhe Genc Pollon të japë dhe ai kontributin e tij”.
