Një tërmet ka goditur sot Kukësin, me një mangudë 4.52 të shkallës rihter. Mësohet se epiqendra e tërmetit ka qenë në Barrë të Kukësit, por pak orë më vonë një tërmet me magnitudë 4.4 është regjistruar rreth 15 km në veriperëndim të Peshkopisë.
Tërmeti ka pasur një thellësi prej 10 km.Tërmeti është regjistruar rreth orës 12:38 minuta të ditës.IGJEUM, jep një tjetër fuqi të tërmetit, atë me magnitudë prej 3.9, rreth 12 km në Jugperëndim të Kukësit.
Ndërkohë, një tjetër tërmet me magnitudë prej 3.8 ka goditur zonën e Kurbneshit, tërmeti është regjistruar rreth orës 13:52 me orën lokale, 68 km larg Tiranës.
Ministria e Mbrojtjes tha se nuk ka dëme materiale nga dy lëkundjet e tërmetit.
“Sipas informacionit paraprak nga IGJEUM, dy lëkundje me magnitudë 3.8 dhe 3.9 te shkalles rihter jane ndier ne Dibër e Kukës. Nuk raportohen dëme nga shtabet e Emergjencat Civile në këto dy bashki”, sqaron Ministria.
